Lemoako alpinista eta gainerako lagunak igandean iritsi
ziren datorren hilabete eta erdian euren ‘etxea’ izango denera, Nepal, India
eta Txina arteko mugara. Eta hain justu bihar ekingo diote lanari:
Txikon, Bielecki eta Braun Kangchenjungako ipar-mendebaldeko hormako britainiar bideko lehen kanpalekura
igoko dira, 5700 metrora, aklimatatzeko lehen pauso gisa. Denis Urubko kazajistandarra eta Dmitri Sinev errusiarra
gaur bertan abiatu dira gorantz, eta bihar bigarren kanpalekura heltzea dute
helburu azken bi hauek (6.400 m).
Alex Txikon, #Kangchenjunga North Base Camp |
Gailurra maiatzaren 15 inguruan egin dezaketela pentsatu
dute. Ondoren, berriz ere kanpaleku nagusira jaitsi eta, atseden hartuta,
indarrak berritu eta gorantz abiatulo lirateke (oraingoan soilik Alex Txikon,
Denis Urubko eta Adam Bielecki) buruan duten bide berri horren bila, estilo
alpinoan, ipar-mendebaldeko pareta honen erdi-erditik. Denisek diseinatutako plan gogorrak kanpaleku nagusira heldu
eta bi egun eskasetan lanean hastera behartu ditu, nahiz eta mendirako material
tekniko guztia oraindik ez den heldu, zamalari asko bidean baitaude oraindik:
“Izotzerako bizpairu torloju ditugu eta, adibidez, Denisek utzitako kranpoiekin
igo beharko naiz bihar”. Hortaz, kideek utzitako materialaz baliatuta hasi beharko du espedizioa Alex Txikonek.
Adam Bielecki, Artem Braun, Dmitri Sinev, Alex Txikon, Denis Urubko. BC. |
Espediziokideak bakar-bakarrik daude kanpaleku nagusian, ez
dago beste talderik. “Kangchenjungako tontor nagusia eta Yalung Kang mendia
ditugu parez pare. Borda pare bat ere badago, biltegi edo sukalde modura
erabiltzeko”. Arazoa edo alde txarra zera da, hormaren oinarritik urrun samar
dagoela kanpalekun nagusi hau: “Lehenik ia 200 metro jaitsi behar ditugu
morrenaraino, eta ondoren ia 9 kilometroko zeharkaldia dator glaziarrean zehar.
Denisek eta Dmitrik 7 ordu behar izan dituzte gaur, nahiz eta aurrera egin
ahala joago garen aklimatatzen eta denbora hori jaisten”.
Albiste gehiago FACEBOOK eta TWITTER bidez.
Jarraitu nire pausoak ZUZENEAN.
#Kangchenjunga from North Base Camp. |
iruzkinik ez:
Argitaratu iruzkina